Norðanátt

Komin heim

2008-01-14T13:06:00.000Z

Halló gott fólk, jæja þá er ég komin heim til Íslands á ný. Ákvað að stytta dvöl mína og vera bara fyrri önnina og taka þá síðari bara heima á Akureyri og er voða glöð að vera komin heim, var búin að gleyma hvað er gott að anda að sér hreinu lofti. En þetta var frábær tími, hefði viljað vera lengur ef þeir hefðu ekki bara skellt á okkur tveggja mánaða fríi. Skólinn átti sum sé að byrja aftur í lok febrúar. Þannig að ég ákvað að koma bara heim og vinna í BA ritgerðinni minni sem ég hefði ekki beint getað gert úti með allar þessar lokuðu heimasíður og ekki rík bókasöfn með bókum um vændi, sem er umfjöllunarefni BA ritgerðarinnar minnar. En allavega, ég kom heim á afmælisdaginn minn og við fórum norður og komum öllum á óvart. Mamma þurfti að líta á mig 3 sinnum áður en hún fattaði og missti kjálkann niður á gólf. En þetta er yndislegt, hélt smá afmælisveislu fyrir fjölskylduna í gær sem var mjög gaman. En ég er sum sé orðin þrítug. Ég þakka öllum sem sendu mér kveðjur, veit að sumir reyndu að ná í mig í símann sem er ekki hægt ennþá, á eftir að láta opna íslenska númerið, er bara með það kínverska. Koss og knús til ykkar allra.

Bei Hai Park

2008-01-07T15:33:00.000Z

Fórum í Bei Hai Park í Beijing, mjög fallegt en samt engin Summer Palace.

Níu dreka veggurinn í Bei Hai Park

Lama Temple með Ragga og Chad

2008-01-07T15:11:00.000Z

Fórum í Lama Temple fyrir nokkrum dögum sem er stærsta Buddah hofið í Beijing. Nokkrar myndir að vanda.

Farið í bollanudd

2008-01-07T14:47:00.000Z

Ég og Dögg fórum í fótanudd í gær og fórum eftir á í nokkuð sem heitir Cupping. Þá leggst maður á bakið og komið er með skálar og loga. Svo er loganum smellt inn í glösin og loftið tæmt og svo er því skellt á bakið á manni og þá virkar þetta eins og sogskálar. Nema hvað maður endar með 16 sogbletti á bakinu. Á að vera voða hreinsandi og gott. Set hérna voða skemmtilega og girnilega mynd með.

Myndbönd frá ferðinni.

2007-12-28T07:26:00.000Z

Ég ætla að prófa að setja inn nokkur myndbönd frá ferðinni, vonandi tekst þetta :-) Ég bæti svo við jafnóðum, þetta er svolítinn tíma að hlaðast.

Hér erum við að koma úr hellaferðinni á bátnum.

Á leiðinni frá Long Gong hellunum, rosa niðurnídd hús.

Ferðalag suður á bóginn

2007-12-28T01:02:00.000Z

Þá er vikuferðalagi okkar Ragga og Daggar um suður og mið Kína lokið og við Raggi komum heim til Beijing í morgun. Ég vil nú bara byrja á því að óska fólki gleðilegra jóla og farsæls komandi árs þótt seint sé. Við vorum því miður ekki í miklu internet sambandi þennan tíma þannig að við gátum því miður ekki sent jólakveðjur fyrir jól eins og venjan er hmmm. Ég er líka bara með kínverskt símakort þannig að við gátum ekki hringt heldur svo við erum fullkomlega afsökuð að hafa ekki heyrt í neinum. Við sjálf eyddum jólunum þ.e. aðfangadagskvöldi og jóladegi í 27 tíma lestarferð frá Guiyang ti Xi'an sem var ca. 300 ára gömul kolalest sem lyktaði eins og blanda af hlandi, skít og olíu. En það var algert ævintýri og ég hefði ekki viljað skipta á því og hinum hefðbundnu jólum heima. Svo sátum við í lestinni og biðum eftir að fjölskyldur okkar hringdu en ekkert gerðist. Ekki eitt einasta símtal með jólakveðju. Ég var orðin heldur betur svekkt að móðir mín væri búin að gleyma mér og hringdi ekki einu sinni til að athuga hvort ég væri á lífi. Ég er búin að vera í Kína í 3 og hálfan mánuð og hún hefur hringt EINU SINNI í mig á öllum þessum tíma takk fyrir, og EKKERT systkina minna hefur hringt. Raggi er búinn að vera hérna í 2 og hálfa viku og mamma hans og pabbi hringja annan hvern dag, systkini hans hafa hringt og mágur og ég veit ekki hvað!! Ekki alveg sama umhyggjan um mig, mamma, ha ha!!! ;-) En jæja, við vorum sum sé í lestinni að bíða eftir símtali og ég að bölva því að mamma hringdi ekki einu sinni í mig á jólunum. þá rann það upp fyrir okkur að símakortið hafði klárast og þá er ekki hægt að hringja. Við drifum því í því að kaupa nýtt símakort þegar við komum til Xi'an. Vorum rétt búin að fylla á símann þegar foreldrar Ragga hringdu guðslifandi fegin að ná loksins í okkur. Ég bjóst við því að mamma gæti verið orðin áhyggjufull að hafa ekkert náð í mig og fór í ofsaleit að internet kaffihúsi sem ég fann loksins og sendi henni sms um að síminn væri kominn í lag og hún gæti hringt í mig. Það gerði sú gamla stuttu síðar og var voða gaman að heyra í henni. Jæja, þá spurði ég hana hvort hún hefði verið búin að reyna að hringja mikið yfir jólin. Svarið: "Nei, nei, ég gleymdi því nú bara alveg, gott að þú minntir mig á það núna Tóta mín." Það var sum sé eins og ég hélt. Ég STEINGLEYMDIST á jólunum!!! En Raggi auðvitað kom með útskýringuna á þessu. Hann sagði að hún væri örugglega smeyk um að verða skráð í kommúnistaflokkinn ef hún hringdi of mikið til Kína. Ég er að hugsa um að halda mig við þá skýringu líka. En jæja, þá er ég búin að kvarta og þá hefst ferðasagan. Við flugum sum sé til suður-Kína frá Beijing á föstudagsmorgni og fórum beinustu leið til Guiyang sem er um 1,5 milljón manna borg. Þar gistum við eina nótt. Þaðan ákváðum við að fara til Anshun sem er 300.000 manna bær aðeins sunnar en Guiyang sem skartar hinum fögru Long Gong hellum, Huashu????(finn nafn seinna) fossum og fleiru. Gistum þar í 2 nætur. Fórum svo aftur til Guiyang og tókum 27 tíma lest í svefnvagni til Xi'an. Þar gistum við í 2 nætur í alveg yndislegu Youth Hosteli og skoðuðum þar Terracotta stríðsmennina og fleira. En við byrjuðum sum sé í Guiyang. Því miður vantar fyrstu myndirnar þaðan þar sem þær eru á gömlu myndavélinni minni. Raggi gaf mér nefnilega rosa fína myndavél í jólagjöf og þessar myndir allar eru teknar á hana. Hina myndavélina lánaði ég Dögg sem ákvað að vera aðeins lengur á ferðalagi og því verða þær að bætast við bara síðar. Þessi mynd er hins vegar tekin á leiðinni á rútustöðina til Anshun. Sáum þá þennan fína garð með Parísarhjóli og öllu og frestuðum við því ferðinni til Anshun í nokkra klukkutíma og fórum í þennan fallega skemmtigarð.

Þessi mynd er svo tekin úr Parísarhjólinu yfir Guiyang borg. Við vorum einu vesturlandabúarnir á svæðinu held ég. Sáum allavega engan annan allan tímann og það var starað svo mikið á okkur að mér leið eins og ég væri dýr í dýragarði. Við fórum að borða á veitingastað og fengum sæti við glugga sem var frekar stór og þar fyrir utan stoppaði fólk og starði á okkur borða. Mjög óþæginlegt. Raggi tók upp á því að stara á móti og brosa og þá fór fólk venjulega bara að hlæja, eins og hann hefði gert eitthvað voða fyndið. Ég hins vegar reyndi að leiða þetta hjá mér. En ég verð samt að segja að Kínverjar eru held ég yndislegasta fólk sem ég veit um. Það eru allir svo hjálpsamir og gera allt til að aðstoða og þau eru svo jákvæð og brosa alltaf og hlæja og eru bara yndisleg. Mér finnst ég vera öruggari í versta krummaskuði í Kína heldur en í Reykjavík. Guiyang er einmitt í fátækasta héraði Kína og er þekkt fyrir að vera verst í Kína hvað varðar vasaþjófnað. En hvar sem við fórum og vorum að spyrja til vegar þá þyrptist fólk að til að hjálpa. Spurðum kannski einn úti á götu og fyrr en varði vorum komnir 10 manns, allir að reyna að skilja okkur og leggja til orð og orð á ensku til að koma okkur á áfangastað. Alveg frábært fólk!!!

Guiyang úr Parísarhjólinu

Mér var ekkert alveg sama þarna uppi og er líklega að velta fyrir mér ryðguðu festingunum sem héldu okkur uppi. Þetta var ekkert háklassa parísarhjól. Ó NEI. Og ekki bætti úr skák að Raggi gat ekki setið kyrr.

Önnur mynd af Guiyang.

Þessi kona sat og spilaði á þetta hljóðfæri sem er mjög fallegt og gaman að hlusta á.

Þessi höll stóð við garðinn og mér sýndist hún vera bara í eyði sem er þvílík synd miðað við hvað þetta er fallegt hús. Það er örugglega hægt að kaupa það fyrir 1,8 milljón íslenskar ;o)

Þá erum við komin í Anshun sem er um 270.000 manna bær aðeins sunnan en Guiyang, ferðin tók ca. 2 tíma með rútu. Fengum voða fínt hótel sem við bjuggumst nú ekki við þegar við komum í bæinn þar sem þetta var á mest niðurnýddasti staður sem ég hef komið á. Hvert hús að hruni komið og ég hefði getað svarið það að þau væru flest eyðibýli en þá sá maður fólk vera að elda og einnig var oftast þvottur úti á snúrum. En hótelið var voða fínt og kostaði okkur bara ca 600 kall á mann nóttin. Allir voða yndælir en það tók voða langan tíma að kaupa herbergi hér þar sem þau skildu ekki orð í ensku og við með orðabókina að reyna að tjá okkur á kínversku sem getur oft verið mjög erfitt. En það hófst allt saman.

Þessi mynd er tekin á alveg yndislegum veitningastað í Anshun. Fundum loksins stað sem hét ekki e-ð "hundakjötsstaðurinn" eða e-ð svoleiðis. Hundakjöt er nefnilega aðalfæðan á þessu svæði Kína. Í gluggum flestra veitingastaða mátti sjá hundaskrokka hangandi, þurrkaða, í legi eða hvernig sem var. En þessi staður var ekki með svoleiðis og það sem meira var og kom okkur mjög skemmtilega á óvart þá gátu þeir grafið upp matseðil á ensku. Getið ekki ímyndað ykkur hvað Raggi var glaður þegar hann sá að þeir áttu T-bone steik. Hann var búinn að kvarta og kveina yfir hungri allan tímann og af og til hrökk upp úr honum "helvítis hrísgrjón alltaf hreint". En þetta bjargaði honum og endurheimti hann að nýju lífsviljann eftir þennan mat.

Daginn eftir var haldið af stað til Long Gong hella sem eru í 27 km fjarlægð frá Ashun. Fórum í þessu rúgbrauði og þá föttuðum við að við vorum ekki á mesta ferðamanna tímanum enda komumst við að því í Long Gong að við vorum algerlega einu túristarnir á svæðinu.

Lagt af stað til Long Gong

Svona var allt umhverfið, í þessum fjöllum. Alveg yndislega fallegur staður.

Í Long Gong

Fórum í báti hluta af leiðinni og af og til sáust hús sem fók bjó í, þó ótrúlegt virðist, og þarna er ein að þvo þvottinn sinn í læknum.

Svo þegar við komum af bátunum þyrptust að okkur eldgamlar, tannlausar kerlingar að selja okkur reykelsi. Við keyptum nú slatta þar sem þær voru svo yndislegar og hlógu svo mikið og þær gátu alveg hlupið mann uppi þó maður strunsaði í burtu. Mjög liprar á fæti.

Svo voru svona lítil þorp inni á milli og þegar við komum nær hentist út fólk á öllum aldri að selja reykelsi.

Börn jafnt sem gamalmenni eltu okkur lengi vel að reyna að selja okkur reykelsi sem við vorum komin með nóg af.

Raggi gat ómögulega sagt nei við þær gömlu, hann hefði gifst þeim ef þær hefðu spurt og ef hann hefði skilið, hann verslaði af hverri einustu sem voru allar voða ánægðar með hann.

Svo allt í einu í miðjum helli birtust þessi risastóru líkneski af Big Belly Buddah. Vorum allt í einu komin í munkahof þar sem við gátum beðið og brennt nýkeyptu reykelsin okkar auðvitað. Munkarnir voru voða vingjarnlegir og þarna var líka hægt að fá ÓKEYPIS reykelsi. Hlógum mikið af því hvað gömlu kerlingarnar voru sniðugar. Fá ókeypis reykelsi frá munkunum og selja ferðamönnum rétt áður en þeir föttuðu að þetta var frítt. En við sáum ekki eftir þessum 30 krónum sem við eyddum í þær.

Svo var beðið og reykelsi brennd

og beðið

og munkarnir voru mjög almennlegir og töluðu svolitla ensku. Þegar maður fór á hnén að biðja þá slógu þeir á svona gong. Þetta var allt mjög ævintýralegt.

Dögg að athuga hvort kvenfólk geti orðið meðlimir í munkareglunni.

Eins og sérst hérna vorum við hálfpartinn inni í helli, skil ekki hvernig þeir komu öllum þessum líkneskjum þarna upp.

Svo fórum við inn í marga svona hella sem voru alveg einstaklega fallegir með alls konar steinum inní.

Og slóðar inn á milli steinanna

Svo vorum við komin efst á eitt fjallið og þá sáum við þessa víra lengst niður fjallið yfir á hina hæðina á móti og svo var okkur skellt í rólur og þetta var allt ryðgað og við pissuðum næstum í buxurnar og svo húrruðum við niður og áttum að bremsa þegar maðurinn á móti veifaði rauðum fána. Mjög gaman svona eftirá.

Dögg að koma á fleygiferð

Komum svo niður í þennan dal

Fórum svo eftir þessum slóða niður í dalinn og vorum eina fólkið á svæðinu sem var mjög gaman.

Hérna inn fórum við svo á enn einum bátnum, þarna inni var þvílíkur hellir, voru ca. 20 mínútur að sigla í gegnum, ég set hér að ofan myndband sem ég tók þarna inni.

Inni í hellinum

Kínverjar eru voða mikið að skreyta með ljósum sem minna óneitanlega mikið á jólaseríur, en ætli þetta hafi ekki bara átt að birta aðeins til í hellinum

Hérna komum við út, myndband uppi frá þessu líka.

Þá komum við að svæði þar sem tóku á móti okkur ungar stúlkur í þjóðbúningi Miaoa. Við vorum auðvitað klædd í svipaðan dúr og teknar myndir.

Dögg að versla hnetur af þessari gömlu sem var alveg tannlaus og hló og grínaðist allan tímann

Næta dag fórum við að þessum fossi sem er í um 65 km fjarlægð frá Anshun, þarna voru fleiri ferðamenn á ferð en allir kínverskir, enginn vesturlandabúi. Mjög fallegur staður líka.

Ég og Dögg við fossinn

Raggi við fossinn.

Þetta er á móti fossinum og langa línan sem sérst fjærst er þótt ótrúlegt megi virðast, nýtískulegur rúllustigi. Maður borgaði 200 kall og þá fór maður í rúllustiga upp alla leiðin sem maður hafi prílað niður. Kínverjar eru líka svo dramatískir í nafngiftum, það er allt himneskir garðar og allt í þeim dúr. Þessi stigi hét t.d. THE GREAT ESCILATOR. Það er sko allt great eða amazing, heavenly og fullt af harmony o.fl.

Dögg og Raggi við fossinn

Fossinn

Svo var farið í lestin sem lýst var hér í upphafi ferðasögunnar. Aðfangadagskvöld og í matinn er bjór og Kentucky Fried Chicken sem var keyptur á hlaupum í Guiyang áður en við náðum lestinni. Set myndbönd úr lestarferðinni hérna á næsta bloggi að ofan.

Komin loksins til Xi'an. Momum um miðnætti og fórum beint að sofa. Vorum svo glöð að komast að því að allir hér í bæ tala ágætis ensku sem var þvílíkur léttir. Gátum því pantað ferð daginn eftir sem fór á 4 staði, Terracotta stríðsmennina, gröf Qin emperor (sem Terracotta stríðsmennirnir eru að vernda), heit böð sem voru byggð fyrir e-a keisaraynju og fornleifastað sem fannst fyri nokkrum tugum ára síðan og sýndi gamla byggð á þessum slóðum. Það var mjög óspennandi og ég tók ekki mynd þar. En þessi mynd er tekin fyrir utan verksmiðju þar sem allar terracotta styttur sem seldar eru í dag eru gerðar. Tekur alveg óhemjum tíma að gera eina styttu og ég og Raggi keyptum tvær litlar.

Þær eru líka gerðar í fullri stærð og það er hægt að panta svona styttu og fá sent í pósti. Fínt að láta tvær svona vernda Grænhól. Éeldanú.

Dögg langaði í þennan með heim, þið sjáið stærðina á þessu.

Þetta er í heitu böðunum, þetta var húsið þar sem keisaraynjan þurrkaði á sér hárið, hús undir bókstaflega allt. Sum sé hárþurrkuhúsið.

Þarna erum við komin að gröf Qin keisara sem Terracotta vernda, þarna var einhver sýning í gangi.

Gröfin er sum sé inn í þessum manngerða hól en maður kemst ekki að henni, einungis upp á hólinn. Þeir hafa ekki enn grafið að gröfinni. Um 600 manns komu að byggingu grafarinnar og voru þeir allir drepnir að þeirri byggingu lokinni til að halda staðnum leyndum. Keisari þessi gerði margt gott, t.d. sá hann um byggingu kínamúrsins. En hann var svolítið geðveikur, lét brenna allar bækur og grafa fræðimenn lifandi sem hann taldi að væru honum óhlynntir. Hann var því gífurlega hataður og flest sem hann gerði var eyðilagt af æstum múgi. En gröfin var látin í friði af því hann hafði passað svo mikið upp á að halda henni leyndri. Það er talið að þar inn séu alls konar efnavopn og fleiri varnir til að ekki sé hægt að opna hana enda hefur það enn verið látið ógert. Þá er talið að með honum hafi verið grafinn gífurlegur fjársjóður.

Og þá er komið að sjálfum terracotta stríðsmönnunum. Þetta er alveg stórkostleg sýn en maður kemst ekki mjög nálægt þeim. Það var fátækur bóndi sem fann grafirnar þegar hann var að grafa brunn eftir vatni í einu þurrkatímabili. Þeir skipta þúsundum og eru allir í rúmlega mannstærð. Þeim er skipt eftir titli og þarna eru líka hestar og fleira í þeim dúr.

Hér er einn sem er á safninu svo maður geti skoðað nálægt. Þetta er svo nákvæmlega unnið að það er með ólíkindum. Allt frá slaufunum á skónum til fléttanna í hárinu er allt gert nákvæmlega og þessi stelling er, ef skoða frá hlið, hin fullkomna stelling þar sem hún er eins og héraðið á landakorti. Já já svona er þetta bara!!!

Hérna koma svo nokkrar myndir frá stærstu múslimamoskvu í Kína, fórum í múslimahverfið sem var mjög skemmtilegt að skoða og er í Xi'an. Þetta var mjög skemmtileg ferð og yndislegt fólk sem vann þarna. Þetta eru sko kínverskir múslimar.

Þarna inni er beðið, fengum ekki að fara inn.

Bell Tower, séð út úr hótelglugganum okkar. Ferðinni lokið og fórum heim þetta kvöld.

Næst verðu Beijing skoðuð, á eftir að fara með Ragga í Kínamúrinn og fleira og set myndir af því innan bráðar.

Raggi minn kominn til Kína

2007-12-18T11:40:00.000Z

Jens, norski bekkjarbróðir okkar Raggi og ástralska bekkjarsystir okkar, Peri.

Dögg að fagna því að fá loksins heimabakaða súkkulaðiköku. Allt súkkulaði hér er feik og óætt nefnilega en þetta var ekta súkkulaðibragð sem vakti mikla lukku!

Hutong gatan aftur

Hutong gatan okkar, uppáhalds! Erum oft þarna á litlum kósý kaffihúsum.

Daði og Jens (norski bekkjarbróðir okkar) í sveiflu í partýinu

Emma, í miðjunni, alþjóðafulltrúinn okkar og Peri, ástralska bekkjasystir okkar. Hinn veit ég ekki hver er.

Daði í danssveiflu með skemmtikröftunum í jólapartýinu, vorum öll dregin út á gólf að dansa. Strákunum leist ekkert voða vel á þennan sem var alltaf að segja hvað þeir voru sætir, sem er svo sem ekki slæmt út af fyrir sig, en hann hélt allaf á þessari gúrku sem ég held að þeim hafi ekkert litist á ;-)

Ég og Raggi í jólapartýinu hjá skólanum mínum

Gleði gleði gleði, Raggi minn er loksins kominn til mín í Kína. Er því búin að draga hann um alla borg og sýna honum uppáhaldsstaðina mína. Reyndar var ég í miðjum klíðum að gera ritgerð þegar hann kom svo hann neyddist til að sitja heilan dag með mér á kaffihúsi meðan ég var að læra, en hann fór nú líka aðeins út að versla á meðan og kom heim mörgum haldapokum og gífurlegri reynslu á prútti ríkari. Svo fórum við öll út með Tim kennara og Prófessor Li, sem kenndi kínverska áfangann heima í fyrra, á tehús þar sem farið er alltaf með háttsetta embættismenn, t.d. Kissinger, Bush eldri, Albert Mónakóprins og fleiri. Við sátum við borðið þar sem forsætisráðherra Singapore sat og er kennt við hann. Á þessum stað var spiluð sígild kínversk tónlist og sýnt svokallað shadow play eða skuggaleikrit, sem var mjög skemmtilegt. Fórum svo á kaffihús á eftir í uppáhaldshverfinu okkar sem heitir Houhai. Þangað kom Geir, sem var kennari í HA í fyrra og er núna í forsæti Confuciousar-stofnunarinnar sem verið var að opna heima á Íslandi, eða er verið að fara að opna og var í Beijing í tilefni þess. Hann fór svo með okkur Dögg og Ragga að borða næsta kvöld á eftir sem var mjög gaman þar sem hann hefur kennt sögu kínverskrar menningar lengi og gat sagt okkur margt og mikið um það, bjó líka hérna í Beijing í nokkur ár. Svo það var mjög gaman og áhugavert. Næsta kvöld fórum við með skólanum mínum og öllum kennurunum út að borða á tælenskum veitingastað, fengum jólagjafir og jólasveinahúfur og fleira. Þeir buðu náttúrulega bara okkur erlendu nemendunum með ;-) Svo var tekið gott djamm á eftir. Næsta dag var ég orðin fárveik. Hafði reyndar verið slöpp kvöldið áður og fór snemma heim, en var komin með hita og kvef og er búin að vera rúmliggjandi núna í 3 daga. Greyið Raggi, kominn til Kína og þá leggst ég bara fyrir. Hann sem betur fer er búinn að geta farið í ferðir með Chad og svona svo hann hefur ekki þurft að hanga yfir mér veikri hérna heima. En ég er öll að koma til og ekki á morgun, heldur hinn ætlum við Raggi og Dögg að skella okkur suður á bóginn. Ætlum að fljúga lengst suður og fá okkur hótel á stað sem ég man ekki hvað heitir og taka svo lest hægt og rólega uppeftir aftur og gista hér og þar og stoppa kannski 1-2 daga í nokkrum borgum á leiðinni aftur til Beijing. Allavega er Shanghai einn staður sem við ætlum til og nokkrir bæjir sem liggja þar nálægt. Ekkert planað svo sem, ætlum bara að láta þetta ráðast. Ef við lendum í einhverjum yndislegum stað þá verðum við kannski bara þar allan tímann. En ég mun þá blogga bara langa ferðasögu þegar ég blogga næst. Set hér nokkrar myndir frá síðastliðnum dögum hér í Beijing. Zaidian (bless á kínversku)

Skólamál

2007-11-28T08:42:00.000Z

Nú er nóg að gera hjá okkur í Kína. Erum að taka einn kúrs í lögfræðinni heima (EU- law) og vorum að klára einn hérna í Kína (Company law) og erum í einum kúrsi núna í Kína (Human Rights law in China). Nema hvað að verkefnin úr öllum þessum kúrsum lentu á sömu fjóru dögunum. Það bíða okkur því tvær ritgerðir, tvö próf og ein fyrirlestur sem við þurfum að halda fyrir bekkinn, allt á fórum dögum. Fengum reyndar sem betur fer frest á eina ritgerðina svo það er ekki alveg jafn mikið stress, en það er sum sé nóg að gera. Tim Murphy, prófessorinn okkar frá HA, er í Beijing núna og fórum við með honum út að borða í gærkvöldi og ætlum með honum í smá skoðunarferð á föstudaginn. Mjög gaman að hitta einhvern að heiman.

Annars er allt gott að frétta, það er farið að kólna svolítið hérna í Beijing og búist við snjókomu á næstu tveimur vikum. En mesta hlökkunarefni mitt er að elskan mín hann Raggi er að koma eftir rúma 11daga og verður hjá mér í mánuð tæpan. Ronja verður á hundahóteli á meðan. Fín tímasetning þar sem hún var að byrja aftur á túr og gott að leyfa henni að blæða á eithvað annað gólf en gólfið á Grænhóli.

Svona á meðan ég man þá sagði Chad okkur svo fyndinn brandara um daginn og ég verð að setja hann hérna inn. OK, hann er kannski ekkert það fyndinn en ég grét samt úr hlátri í klukkutíma. En allavega: (og já hann er á ensku, sorry mamma).

How do you catch a polar bear?

First you make a hole in the ice. Then you put peas (baunir) all around the hole. And when a polar bear comes to take a pea, you kick him in the icehole!!!

Tíhíhíhíhíhí.

En já Sigga. Við Raggi erum einmitt búin að vera að bölva ykkur stórkostlega fyrir bæði að vera svona leiðinleg við hann og fyrir að HRINGJA ALDREI Í MIG!!!!!!! Nei, nei, smá grín, erum ekkert búin að bölva ykkur og ég efast um að Ragga hafi fundist þið nokkuð afundin. En þú mátt skila til hennar móður minnar ástkæru, ylhýru að hún megi nú alveg eyða nokkrum krónum og hringja í dóttur sína, þ.e. mig, svona eins og eitt símtal. Ég var búin að senda henni símanúmerið mitt hér í Kína. Hún getur beðið Ragga að hjálpa sér að finna kóðann fyrir Beijing, annars minnir mig að það sé +86. Svo getur hún keypt svona Atlas-kort og þá hringir hún mjög ódýrt til mín. En hún getur líka beðið Ragga að hjálpa sér með það og kaupa það fyrir sig. Svo ætlar Raggi að koma með myndavélina og heyrnartólin fyrir Skype til ykkar þegar hann kemur út til mín. Þá getum við nú aldeilis verið í bandi.

Og Birna mín, ég skal setja inn FULLT af myndum, sakna þín alveg rosalega líka rósin mín ;-)

En jæja, over and out frá Kína, góðar stundir.

Beijing í dag

2007-11-20T09:40:00.000Z

Við Dögg sitjum hérna á kaffihúsi og njótum þess að vera til. Keyptum okkur franskt brauð, pönnukökur með sýrópi, jarðaberja smoothie, salat og kaffi og borgðum 200 kall fyrir. Það sprakk á dekkinu á hjólinu hennar Daggar þannig að ég reiddi hana í bæinn á rauða drekanum og það er fátt skemmtilegra en að vera á þessu hjóli, ég er algerlega frjáls eins og fuglinn er, frjáls eins og..... Hér á Lush (kaffihúsinu sem við sitjum á) er fullt af allra þjóða kvikindum. Aðeins þjónarnir eru kínverskir og þannig fáum við tækifæri að tjá okkur á þessum nokkru orðum sem við kunnum á kínversku sem öll tengjast mat. Get til dæmis kallað eftir ábót á kaffibollann og glas af vatni tiltölulega áreynslulaust. Erum líka byrjuð í kínverskukennslu. Kennarinn okkar er lítil stelpa sem heitir Flora og kemur hún heim til okkar og tekur okkur í einkatíma og borgum við henni 20 yen, 160 kall, fyrir klukkutímann. Hún er voða sérstök, tekur svona hopp eins og kanína um alla íbúð, þ.e.a.s. hún hoppar með báðum fótum svona 10 sentimetra upp í loftið á 5 mínútna fresti sem er mjög sérstakt og frekar fyndið. En þetta er allt að koma, erum ekki eins bjargarlaus og fyrst. Hverfið okkar hérna heitir Woudakou og er voða skemmtilegt. Er reyndar svolítið mikið af stórum háhýsum en við reynum þeim mun oftar að fara í uppáhalds Hutong-ið okkar og setjast inn í lítil kósý kaffihús. Hutong-in eru svona pínulítlar götur sem eru í hinum gamla stíl og liggja inn á milli háhýsanna. Þarna eru húsin lág og göturnar þröngar og götusalar út um allt sem selja sætar kartöflur og ávexti af kerrunum sínum. Þarna er uppáhalds kínverski veitingastaðurinn okkar þó ég verði að viðurkenna að mér finnst kínverskur matur ekkert sérstaklega góður. Uppáhalds veitingastaðurinn okkar er hins vegar indverskur og þar borðum við 3 x í viku enda förum við alltaf út að borða, allar máltíðir.

Ég ætla að reyna að muna eftir myndavélinni minni næst þegar ég fer í Hutong-ið svo ég geti sýnt ykkur myndir af því líka, ekki bara túrista stöðunum. En hérna með sendi ég nokkar myndir af Sumar höllinni sem við fórum í, í gær.

Já, ég vildi líka þakka þeim sem hafa commentað á bloggið mitt, ég fann leið til að geta lesið kommentin, fer inn á anonymouse.com og þar kemst ég inn á allar lokaðar síður, en ég get samt ekki kommentað til baka, því miður. Takk Gulla mín fyrir kommentin þín og Víkingur, ég borga ekkert aukalega fyrir skóna þar sem Raggi er að koma í byrjun desember og ég bað hann að koma með tóma tösku og því getur hann tekið með heim 20 kíló af skóm fyrir mig án þess að borga yfirvikt hehe ;-) Ekki bara preatty face kallinn minn!!!!

Sumarhöllin

2007-11-19T15:39:00.000Z

Fórum í dag, ég, Daði, Dögg og Chad, í Sumarhöllina sem er ekki langt frá þar sem við búum. Er alveg æðislega fallegt og fengum sólríkan dag og mengunarlausan svo það var mjög fínt. Set hérna nokkrar myndir af þeirri ferð.

Svefnleysi

2007-11-14T15:25:00.000Z

Við hérna í Kínabæ erum alveg búin að snúa við sólarhringnum sitt á hvað. Vöknum yfirleitt rétt eftir hádegi og erum bara í rugli með að reyna að snúa þessu á réttan veg. Málið er hins vegar að þegar maður er andvaka getur maður ómögulega lært. Ég er því farin að fikta í ljósmyndunum mínum á næturnar og set hérna myndir af okkur fjölskyldumeðlimunum sem ég var að dúlla mér við í nótt. Er btw. nýji fíni bolurinn minn sem ég er í. Keypti mér líka þrenn pör af skóm um daginn, hvert par á kannski ca 750 kall, ógeðslega flotta samt. Alveg ekta feik Converse skó þar á meðal ;-)

In the on the road

2007-11-13T10:23:00.000Z

Það er svo gaman að skoða þýðingar í Kína frá kínversku yfir á ensku. Ekki það að Kínverjar eru milljón sinnum betri í ensku en ég í kínversku og ég er ekki að setja út á hvað þeir eru góðir í að reyna að tala og þýða hluti yfir á ensku en stundum verður þýðingin mjög fyndin. Daði keypti sér kveikjara um daginn og við erum öll svolítið óviss um hvað enski textinn á að þýða. Hann er svona:

In the on the road'

S REVOLUTION

This is a revolution for

in the on the road,

although the body have

already depart this lifed.

But the road that their

spirit is still come forward

the line in the revolution.

Það er kannski einhver mjög heimspekilega þenkjandi sem skilur þetta ;-)

Hjóli hjóli

2007-11-13T10:10:00.000Z

Halú. Var að kaupa mér svona líka fínt rafmagnshjól hérna í Kína. Er að hugsa um að skíra það RAUÐA DREKANN :-) En það gengur sum sé fyrir rafmagni og það heyrist ekki neitt í því en það er yndislegt að bruna um götur Beijing á þessu tæki. Þarf ekkert að stíga á pedalana, nema það verði rafmagnslaust, og sit því bara og líð áfram í draumi. Reyndar er ég næstum búin að drepast svona 50 sinnum þar sem umferðin hérna er geðveiki. En ég fer bara næstu daga og kaupi mér hjálm. Er búin að rúnta á því í nokkra daga núna og fyrsta rafmagnsljósið af 5 er ekki einu sinni slökknað. Svo tek ég bara rafgeymirinn inn og sting honum í samband og hleð það yfir nóttina þegar hann er að verða tómur. Svo get ég líka hjólað með pedulunum og þá hleð ég líka geyminn. En maður kemst ekkert voða hratt, jafnhratt og ef maður hjólar á fullu. Kostaði 14.500 kall svo ég ætla að reyna að koma með það heim, senda með skipi eða e-ð. Ef ég get það ekki þá barasta sel ég það á aðeins minni pening. En þetta er snilld, skil ekki að einhver hafi ekki keypt 100 stk og selt þau heima. Væri góður business. Tek það kannski bara að mér sjálf.

Já og svo er sæti aftaná eins og þið sjáið svo þegar Raggi kemur til Kína get ég reitt hann aftan á hahahahaha :-)

Þrumur og eldingar

2007-10-27T18:00:00.000+01:00

Himininn er að springa! Hélt að það væri byrjað stríð, að það væri verið að varpa sprengjum á Beijing. En komst svo að því mér til mikils léttis að það eru bara þrumur og eldingar og þá er ég að tala um þrumur og eldingar. Hávaðinn er svo mikill að ég get ekki sofnað, og af og til birtir í herberginu hjá mér líkt og sé dagur. Þetta er rosalegt. Erum búin að sitja úti í glugga og horfa á ósköpin og það rignir líka eins og hellt sé úr fötu. Það lítur út fyrir að ætla að verða mengunarlaus dagur á morgun sem betur fer. Hlakka til að sjá bláan himin á ný.

Annars var ég að útskrifast úr heimspekinni í dag en hélt nú reyndar ekki upp á það. Fór ekki einu sinni út að borða. Erum að gera frekar strembið verkefni í mannréttindalögfræðiáfanganum sem við erum að taka í fjarnámi frá HA svo dagurinn fór bara í það. Ætlaði að fara snemma að sofa og vakna snemma á morgun til að læra en veðrið er ekki að taka tillit til mín.

Frétt í Mogganum í dag!

2007-10-26T12:57:00.000+01:00

,,Erlent AFP 26.10.2007 6:33
Mengun og þoka lama Peking
Börn og eldra fólk í Peking er ráðlagt að halda sig innandyra þar sem þykkt mengunarský hangir yfir borginni í dag. Síðast í gær varaði háttsettur embættismaður ólympíunefndarinnar við því að mengun gæti truflað leikana sem haldnir verða á næsta ári. Mengunin er svo mikil í borginni í dag að talin er hætta á því að öldungar og börn geti veikst af öndunarfærasjúkdómum fari þeir út."

Ég er sem betur fer búin að vera inni í dag að læra en tók einmitt eftir því að ég sá í blokkina á móti okkur en ekki í blokkina þar fyrir aftan. Ógeðslega grár dagur. Daði og Hrafnhildur voru að hjóla úti í dag og voru að tala um að þau væru með pirring í hálsinum og hósta. Beijing er ein af 10 menguðustu borgum í heimi svo maður bjóst svo sem alveg við þessu.

Myndin er N.B. ekki frá því í dag. Er tekin í Fornboðnu Borginni (Forbidden City) í miðbæ Beijing.

Kuldi og verðlag.

2007-10-25T09:53:00.001+01:00

Það er farið að kólna frekar mikið hér í Kína á kvöldin. Í dag var samt gott veður og ég var bara í stuttermabol úti en á kvöldin þarf maður að vera í peysu og jakka. Það er því farið að vera svolítið kalt í íbúðinni okkar. Við ætluðum því að kveikja á ofnunum í íbúðinni en fundum enga leið til að fá þá til að virka enda engir takkar eða snúningsskífur til að hækka og lækka. Við hringdum því í konuna sem reddaði okkur íbúðinni, fasteignamiðlarann, og spurðum hvernig við ættum að kveikja á ofnunum. Komumst þá að því að til er eitthvað sem heitir Central Heating Agency í Kína, eða eitthvað álíka, og þeir stjórna hitanum á ofnunum. Það er því ekkert kveikt á ofnunum í Beijing fyrr en um miðjan eða í lok nóvember og þá verða þeir ekki einu sinni mjög heitir. Íslensku strákarnir sem hafa búið hér í nokkur ár voru einmitt að segja okkur að á veturna verði svo kalt í íbúðunum að þeir sitji inni í peysu og úlpu alla daga. Sá að hægt er að kaupa svona olíuofna og ætli það sé ekki bara stefnan til að við drepumst ekki úr kulda.

Fyrir utan kulda og hundadráp er rosa fínt að vera hérna. Rosalega góður og ódýr matur. Fórum í gær á veitingahús og vorum 5 saman. keyptum 5 rétta geðveikt góða máltíð, 4 bjóra og fimm skammta af hrísgrjónum og borguðum fyrir þetta 90 RMB sem er ca. 770 íslenskar krónur. Svo erum við með skúringakonu sem kemur og þrífur íbúðina okkar einu sinni í viku. Henni borgum við 10 RMB á klukkutíma, sem er ca. 85 íslenskar krónur. Við tökum líka leigubíl hvert sem við förum og kostar það svona 85 ISK fyrir 15 min ferðalag, en annars getum við tekið subway sem kostar 17 ISK á mann og fer út um alla Beijing. Bjór í búð, stór flaska, kostar kannski svona 40 ISK en maður getur keypt hann ódýrari. Það sem er dýrt í Beijing er kaffi, bollinn á kannski 200 ISK og það er bara happa glappa hvort maður fær gott kaffi eða te með smá instant kaffi í. En erum búin að finna nokkur kaffihús sem búa til gott alvörukaffi. Við erum því bara að njóta lífsins eins og er. Förum líka í nudd annan hvern dag. Það er nuddstofa á neðstu hæðinni í blokkinni okkar og þar fer ég oft í klukkutíma fótanudd sem kostar 48 RMB eða 400 ISK.

Já, svo gleymdi ég að segja að ég kláraði BA ritgerðina mína í heimspeki og er að útskrifast úr HÍ núna á laugardaginn. Ykkur er boðið í veislu, ef þið komið ykkur sjálf til Beijing :-)

Varúð - ógeðsleg saga!!!

2007-10-25T09:22:00.000+01:00

Ég heyrði svo ógeðslega sögu í gær að ég fór næstum því að skæla!!! Svo er mál með vexti að í Kína eru hundar herramanns matur. Ég er búin að vera að REYNA að réttlæta þetta í huganum þannig að þeir viti bara ekki af þessu, þetta sé bara eins og með ærnar og kýrnar og allt það en þetta er samt eitt sem ég mun aldrei smakka!! Apaheilar, slöngur eða kóngulær, já takk, allt frekar en hunda. Svo var íslenski strákurinn, sem Daði hitti á Subway-inu, að segja okkur frá því að hann hafi farið í gamla hverfið í Beijing sem er svona í gömlum stíl og sýnir hina fornu hlið borgarinnar. Þar sá hann mann vera að drepa tvo hunda. Hann var í hægindum sínum að skera höfuðið af öðrum hundinum á meðan hinn hundurinn horfði á og skalf á beinunum og ýlfraði. Þvílíkur hryllingur, ég tárast bara við að skrifa þetta. Ég þakka guði fyrir að hafa ekki séð þetta með eigin augum!

Lítill heimur

2007-10-25T09:14:00.000+01:00

Svo verð ég að segja frá því að Daði og Hrafnhildur voru að koma úr Subway-inu hérna í Bejing og mættu þá strák sem stoppaði og spurði á íslensku: ,,Bíddu, þekki ég þig ekki?". Þá var þetta bróðir eiginkonu frænda Daggar og Daða sem býr hér í Beijing. Hvorugt vissi af hinu hér í Beijing. Það sem meira er, er að þau komust að því að hann býr bara í götunni við hliðina á okkar. 15 milljón manns í Beijing og þau rákust á Íslending sem þau þekktu á lestarstöð langt frá því sem við búum. Einnig komust við að því að af öllum húsum í Beijing fluttum við í nákvæmlega sömu blokk og Davíð og Sara (nemendurnir sem fóru í skiptinám til Beijing í fyrra frá HA) bjuggu í.

Elsta Buddah hofið í Beijing

2007-10-25T09:10:00.000+01:00

Hér eru nokkrar myndir frá elsta Buddah hofinu í Beijing!

Skoðunarferð með skólanum

2007-10-25T08:54:00.001+01:00

Í fyrradag fórum ég og Dögg með skólanum í skoðunarferð á þrjá staði í Beijing. Með okkur voru um 20 aðrir nemendur úr CUPL (sem er skólinn okkar, China University of Political Science and Law). Við byrjuðum á því að fara á fornleifastaðinn þar sem Peking maðurinn fannst. Það var allt í lagi, sáum hellana þar sem leifar hans fundust, gamlar beinagrindur og verkfæri sem Peking maðurinn notaði til veiða og til að kveikja eld og svoleiðis. Eftir það fórum við í helli sem heitir Silver Fox Cave. Ég hef aldrei á ævinni komið á svona flottan stað. Fórum niður endalausar steintröppur oní helli í 150 metra dýpi og þurftum stundum að ganga kengbogin inn í endalausum göngum. Niðri voru svo þúsundir allskonar litríkra dropasteina sem myndast hafa á náttúrulegan hátt. Hellirinn dregur nafn sitt af einum steini sem er eins og refur í laginu, skjannahvítur og með áferð sem lætur hann líta út fyrir að vera loðinn. Hvíta myndin hér að ofan er af þessum steini! Neðst niðri fórum við svo í einhverja blikkdós sem var bátur og bátsmaðurinn dró okkur eftir köðlum á vatni lengst inn einhver göng og þurftum við stundum að leggjast alveg ofaní bátinn til að fara um þröng op (sjá mynd hér að ofan). Það var því ekki nóg pláss til að koma fyrir árum. Ekki góður staður fyrir þá sem eru með innilokunarkennd myndi ég halda. Fórum svo til baka í annarri blikkdós sem var lest og þar tróðums við inn og var rúllað að innganginum þar sem við þurftum að klifra upp endalausar tröppur til að komst upp. Eftir þetta fórum við í elsta Búddahtemple í Beijing sem var mjög fallegt og kyrrsælt. Það voru fáir ferðamenn þarna og alls staðar voru munkar að biðja og kyrja og það var alveg yndislegt. En hellirinn var samt besta við þessa ferð enda vorum við inni í honum í ca. 3 klukkutíma. Var eins og að koma inn í annan heim. Set aðrar myndir hér að ofan af Hofinu.

DO NOT SHIT, DO NOT THROW PAPER

2007-10-20T16:36:00.001+01:00

Smá kúltursjokk núna á síðustu og verstu tímum í Beijing. Er nokkurn veginn búin að venjast því að pissa bara í holu í jörðinni þó við séum með þetta yndislega setuklósett heima hjá okkur. En við vorum sum sé fyrst að komast að því núna að maður má ALLS EKKI henda klósettpappír í klósettin eða klósettgötin. Jú jú, sá á skemmtistöðum og veitingastöðum að fólk greinilega henti bara klósettpappír í ruslafötuna við hliðina á klósettgötunum og gerði ég því slíkt hið sama en ég hikaði ekki við að henda klósettpappír í klósettið heima hjá mér þar sem nægt er vatnsrennsli. Komumst svo að því að við værum einungis að grafa okkar eigin gröf með þessu framferði þar sem fyrr eða síðar myndi klósettið okkar stíflast. Við erum því hætt að henda klósettpappír í klósettið heldur fer allt beina leið í ruslafötuna með tilheyrandi lykt á baðherberginu. Þó fannst mér best þegar ég fór á klósettið á Bla Bla Bar sem er skólabarinn í hverfinu okkar og fyrir ofan klósettið stóð stórum stöfum: DO NOT SHIT, DO NOT THROW PAPER!!! Fínt, tek bara taxa heim ef ég þarf að kúka, takk fyrir!!!

Kínafréttir

2007-10-14T17:54:00.000+01:00

Ni hao. Héðan er allt gott að frétta. Eitt vesen þó, ég get skrifað blogg, en ég get ekki opnað það og lesið sjálf. Já já, blessaðir Kínverjarnir búnir að loka á allar síður held ég sem innihalda orðið blogg en einhverra hluta vegna get ég komist inn á það og skrifað en ég get ómögulega farið og skoðað það sem ég skrifaði og ekki heldur lesið nein komment. En endilega kommentiði, það verður gaman að skoða það þegar ég kem heim eftir 7 mánuði :) Svo kemst ég inn á myspace síðuna mína, en ég get ekki farið og bloggað þar, þá er allt lok lok og læs. En allavega, þið getið sent mér skilaboð á myspace ef þið viljið koma einhverju áleiðis.

Við erum sum sé búin að redda skólamálum hér í Beijing, komin í réttan skóla, búin að skrá okkur hjá lögreglunni og svona svo þetta er allt að koma. Svo ætluðum við að framlengja dvalarleyfið og biðum í útlendingastofnuninni eða hvað það nú heitir í lengstu röð lífs míns (kaffibarsröðin er bara pís of keik). Svo var komið að okkur þá var okkur tilkynnt að við ættum eftir að fara til læknis og láta staðfesta heilbrigðisvottorðið okkar sem við komum með frá Íslandi. Við máttum því bara hunskast heim eftir 5 tíma vesen og förum núna á mánudagsmorgun á sjúkrahús að láta staðfesta vottorðið og svo bara aftur í röð!! Frekar leiðinlegt allt saman, en vonandi klárast þetta loks á morgun. Við erum að taka núna kúrs líka í fjarkennslu frá Háskólanum á Akureyri sem er fínt þar sem við byrjum ekki í skólanum okkar hér fyrr en 25 október. Komumst nefnilega að því þegar við vorum komin í réttan skóla hér að fyrsti kúrsinn er sami kúrsinn og kenndur var á öðru ári heima í HA (þá kom einmitt skiptikennari frá Kína til Akureyrar og kenndi þann kúrs og það er sami maður og er að kenna þennan kúrs hér). Svo við höfum ekkert að gera með að taka hann aftur (enda fékk ég 10 í honum heima ;-p). Í raun hefðum við því allt eins getað komið mánuði seinna hingað til Beijing en við gerðum og tekið fleiri kúrsa heima. En þetta er fínt, komin með fína íbúð og svona og gott að vera búin að klára þetta vesen allt sem við lentum í 7-9-13. En það er samt slæmt að hafa svona lítið skipulag á þessu. Hefði til að mynda verið mjög gott að fá stundartöfluna og svona strax svo við hefðum getað pantað flug heim um leið og við pöntuðum flugið út fyrir örlítið meiri pening. En í staðinn þurfum við að kaupa 2 stk one way ticket á miklu meiri pening. Óþolandi skipulagsleysi!!!!

P.s. sendi mynd af mér við uppáhaldsiðjuna mína...að borða með prjónum. Held ég borði bara svona framvegis, miklu betra!!!

En jæja, nú vill loksins einhver tala við mig á Skype svo bæ á meðan!

Kínamúrinn áfram

2007-10-05T04:44:00.000+01:00

Svo eru svona hús á milli sem maður gengur í gegnum, er þar inni hérna!

Kínamúrinn fleiri myndir

2007-10-05T04:41:00.001+01:00

Múrinn er ekkert smá brattur, var stundum nánast 90 gráðu halli! Kannski ekki alveg, en þannig að ég þurfti að hanga í handriðinu. Ef það verður snjór eða hálka í desember þegar Raggi kemur veit ég ekki hvernig við eigum að komst almennilega upp. Sjáum til. Þarna var hins vega rúmlega 30 stiga hiti enda er ég skemmtilega sveitt og búin á því á þessari mynd ;-s

Torg hins himneska friðar

2007-10-05T04:39:00.003+01:00

Fórum líka á Torg hins himneska friðar og í Forboðnu borgina. Hér er ég fyrir utan innganginn á Forboðnu borginni.

Kínamúrinn

2007-10-05T04:33:00.000+01:00

Fórum og gengum upp að hæsta tindi Kínamúrsins um daginn. þessi hluti hans heitir Badaling, set hér smá mynd með, hæsti tindur sérst þarna í fjarska! Er komin á netkaffihús svo nú er allt að ganga vííííííí !!!!!!!!!!!!!

Haena i Kina

2007-10-01T04:03:00.000+01:00

Hallo allir, ta er eg loksins komin i internet samband a einhverju internet kaffi her i Beijing. Komum a tridjudagskvold og vorum sott a flugvollinn af Kinverja sem er half Kanadiskur svo hann talar fullkomna ensku. Vorum a hoteli fyrstu nottina en forum a dormid i haskolanum eftir tad, en borgudum bara einn manud og erum ad reyna ad finna ibud naer baenum. Erum eins og krakkar, turfum ad vera komin heim fyrir 11 a kvoldinn annars erum vid bara laest uti. Erum mestmegnis bara buin ad sofa, vorum daud eftir 33 klst ferdalagid sem tok okkur ad komast hingad. En nu er allt ad komst a rol. Erum buin ad kynnast mjog skemmtilegu folki sem er ekkert nema hjalpheitin.Forum og gengum upp a haesta hluta Kinamursins og tad var gedveikt, forum lika a Torg hins himneska fridar og i Forbodnu borgina sem er risastor, gengum i heilan dag og skodudum hana og slepptum samt helmingi. Er alveg i midborg Beijing. Saum lika lik Maos formanns, hann er kaeldur og e-d i formalini inni honum og svo er hann syndur i nokkra daga, mjog sjaldgaeft. Mattum ekki gefa fra okkur hljod, gengum bara framhja, var i glerherbergi og breytt yfir allt nema andlitid og enginn komst ad. Voda gaman!
Erum voda mikid buin ad vera i pappirsvinnu i sambandi vid skolann og ta er alltaf tulkur med okkur sem gengur svona upp og ofan. En var allt i rugli tvi teir voru ekki med profile yfir okkur og ekkert var kennt a ensku nema nokkur namskeid sem voru kannski kennd a ensku ef kennarinn var tilbuinn og eitthvad kjaftaedi, og ekki bara um helgar eins og var hja Kinaforunum i fyrra. Svo loks hittum vid Bandarikjamann sem er i okkar skola og hann sagdi okkur ad vid vaerum i vitlausum skola. Er reyndar sami skoli en a bandvitlausum stad, eigum ad vera i odru hverfi tar sem allt er kennt a ensku og er meira international law. Hann var lika settur i vitlausan skola eins og vid en var buinn ad vera i manud svo hann akvad bara ad klara tetta. En vid erum ut i rassgati, bara ut i sveit svo vid viljum komast naer baenum og vera lika bara a laugardogum og sunnudogum i skolanum. Her er skoli alla daga, einn timi fyrir hadegi, annar kannski um kaffid, tridji um kvold og bara rugl, myndum turfa ad hanga her alla daga bara ad bida eftir naesta tima og ekki geta gert neitt, og svo kannski bara timar a kinversku. Uff alveg steypa. Svo erum vid alveg klunnar a mat, atum bara jogurt og vatn fyrstu dagana tvi vid kunnum ekkert a matinn, allir matsedlar a kinversku og svona, en eftir ad vid kynntumst fleira folki er tetta allt ad koma til.
Uhhh, ja, fekk lika kinverskt nafn herna uti. Gatu bara skilid Hyrna svo eg fekk nafni Haena!! Madur flytur til Kina og breytist i fidurfenad!
Set meira s'idar tegar min tolva getur tengst og ta set eg lika fullt af myndum hedan.

BA ritgerð á nóinu

2007-09-20T14:29:00.000+01:00

Ég komst að því, mér til ómældrar ánægju, núna á mánudaginn að ég myndi ekki fá námslán í vetur. Ástæðan var fimm ára regla LÍN og þar sem ég var búin með 3 ár í heimspeki og tvö ár í lögfræði var kvótinn minn fullur. Undantekningin á reglunni var þó sú að ég væri búin með gráðuna mína í heimspeki. Tóta litla fór í algeran panik, hringdi í LÍN og Háskóla Íslands til skiptis og komst að því að Háskólinn útskrifar nemendur um miðjan október. Einkunn fyrir ritgerð yrði hins vegar að vera búin að berast fyrir þann þriðja. Ég hringdi í fyrrum kennara minn í lögfræðinni sem er nú að kenna við heimspekideildina og hann af yndisleik sínum tók að sér að lesa yfir ritgerðina mína á svona stuttum tíma. Skrifstofa skólans ákvað líka að leyfa mér að skrá mig í BA-ritgerð og útskrift þó ég væri orðin eilítið of sein. Eina vandamálið var að ég var ekki búin með BA ritgerðina sem ég byrjaði á fyrir 3 árum síðan. Tók mig þó á, settist niður í tvo sólarhringa og rumpaði af fyrstu drögum ritgerðarinnar, 24 blaðsíðum. Er búin að senda leiðbeinadanum ritgerðina og þarf líklega að leiðrétta eitthvað of fiffa þegar hann sendir hana til baka. Vonandi reddast þetta allt saman en ég verð þó ekki í rónni fyrr en ég er útskrifuð.

Ritgerðina kláraði ég í nótt og nú er ég sveitt að pakka niður fyrir Kína. Við Raggi og Ronja erum að fara að keyra suður í kvöld þar sem ég þarf að sækja vegabréfsáritunina mína í kínverska sendiráðið fyrir hádegi á morgun. Líklega næ ég að kasta þó kveðju á fjölskyldu mín hér fyrir norðan en hún er ekki búin að sjá mikið af mér vegna ritgerðaskrifanna. Allt í kaos skal ég ykkur segja. Kem og kveð ykkur fyrir sunnan um helgina og svo er það Kína baby á mánudagsmorgun. Læt hér fylgja mynd af okkur Ragga frá því að ég varð 10 ára stúdent fyrr í sumar.

Kína eftir 8 daga

2007-09-16T20:45:00.000+01:00

Jæja, mér sýnist bloggið mitt eitthvað aftur vera farið að virka svo nú ætla ég að leggja í það að skrifa eitthvað og vona að það neiti svo ekki að publisha það eins og er búið að gerast síðastliðin skipti.

Ég er sum sé að koma suður næstu helgi og fer með Daða út á mánudagsmorgun. Við byrjum á því að fljúga til London þar sem við stoppum í rúma átta tíma. Þaðan höldum við svo áfram til Beijing, með millilendingu í nokkra tíma í Sameinuðu Arabísku Furstadæmunum, nánar tiltekið í Dubai. Svo lendum við í Beijing um 23:oo og það verður víst einhver sem tekur á móti okkur. Líklegast gistum við á hóteli fyrstu nóttina en svo fáum við einhvern dvalarstað þar til við finnum okkur íbúð. Erum búin að vera að skoða íbúðir á leigu og höfum fundið fínar íbúðir, með húsgögnum, 3 svefnherbergjum og stofu og 24 hour hot water!!!! á svona 40-60 þús kall á mánuði svo þetta verður fínt. Dögg kemur svo 2 vikum síðar þar sem hún er að fá gest frá Sviss og kemur eftir að hann er farinn. Hrafnhildur, kærastan hans Daða, ætlar að koma með henni og vera hjá okkur í nokkrar vikur og svo kemur Raggi út í byrjun desember og verður alveg í mánuð.

Við erum búin að vera í þvílíkum bólusetningum fyrir þessa ferð, búin að eyða um 40.000 kalli í sprautur, læknaheimsóknir og ég veit ekki hvað. Þurftum að fara í algera heilbrigðisskoðun til að fá Kínverskt landvistarleyfi, við þurftum að hafa hjartalínurit, lungnamynd,fórum í tékk á HIV, Syfilis og gjörsamlega rannsökuð í bak og fyrir. En þetta er allt búið þannig nú er þetta allt í vinnslu hjá kínverska sendiráðinu.

Þar sem bloggið mitt er líklega komið í lag reyni ég að blogga töluvert þarna úti og set inn myndir. Verð líka örugglega eitthvað með myndir inn á myspace.com/hyrna.

Prufa aftur

2007-09-16T20:41:00.000+01:00

Jæja, ég er að athuga hvort ég geti skrifað eitthvað á þessa síðu áður en ég fer til Kína, því mig langar að segja frá ferðum mínum þar. Ætla því að athuga hvort þetta virkar núna!

Af hverju get ég bara skrifað haus og ekkert annað á þetta ljóta blogg? Ok, ég er hér með hætt þessu rugli þar sem þetta blogspot.com er drasl!!!

2007-03-10T16:21:00.000Z

Prufa

2007-03-10T16:12:00.000Z

Trúlofun og fleira

2006-09-08T00:13:00.000+01:00

prufa

Komnar myndir

2006-07-03T17:43:00.000+01:00

Það eru komnar myndir af Ronju hér til hliðar.

2006-07-03T14:29:00.000+01:00

Ronja í hálsakotinu hjá mömmu sinni ;-)

2006-07-03T14:28:00.000+01:00

Rags og Ronja

2006-07-03T14:27:00.000+01:00

Ronja et moi

Fröken Ronja Ræningjadóttir

2006-07-03T14:08:00.000+01:00

Heil og sæl. Þá erum við Raggi búin að kaupa okkur einn lítinn hvolp. Þetta er hreinræktuð Boxer tík og erum við búin að eiga hana í viku. Við erum því búin að vera í viku að ala litla skinnið upp en hún pissar enn pínu inni ef við pössum okkur ekki að fara með hana út á réttum tíma. Ég er nú samt ekki góð í þessu núna þar sem ég fékk hrikalegt þursabit í síðustu viku og er búin að liggja í verkjatöflum og bólgueyðandi í viku. Ég er þó búin að pína mig til að skakklappast út að labba með hundinn með tilheyrandi sársauka en enn er það Raggi sem sér um allt svoleiðis þar til ég er búin að ná mér. Við erum svo að flytja út á Grænhól í þessari viku og þá verður auðveldara að fara með hana út. Hún fær að sofa uppí á meðan við erum hér í Smárahlíðinni því annars vælir hún út í eitt á næturna og við viljum nú ekki að hún vekji alla í blokkinni en við venjum hana af því um leið og við komum út í Grænhól. Henni finnst best að liggja í hálsakotinu á okkur eins og sést á myndunum sem ég ætla að setja hingað inn á eftir. Foreldrar Ragga voru í heimsókn um helgina og systur hans komu líka. Það var því mikið fjör þó að ég væri hálf ónýt og bæri mig illa enda kengbogin í bakinu. Fór í sneiðmyndatöku og er sem betur fer ekki með brjósklos en það var mikil bólga eða eins og Raggi orðaði það: ,,það stendur bara fjall upp úr bakinu á þér". En ég er öll að koma til og ætla að pína mig í vinnu á morgun enda komin með gífurlegan móral á þessu öllu saman. Við Raggi erum svo að fara næstu helgi í Lónskot á ættarmót fjölskyldu minnar. Hlakka gífurlega til!!! En nú ætla ég að skella inn myndum af fröken Ronju ræningjadóttur. Njótið vel gott fólk!

Myndir

2006-06-03T23:50:00.000+01:00

Er að setja inn slatta af myndum hér til hliðar. Endilega kíkkið á.

Veiðiferð

2006-06-03T23:36:00.000+01:00

já, rétt hjá Hættulega viðkunnanlegum, fann síðuna mína aftur eftir að ég republish-aði öllu heila klabbinu. En ég og Raggi keyptum okkur veiðileyfi í dag í Hörgá og fórum og veiddum alveg heilan engan fisk. En þetta var stórskemmtileg ferð. Set myndir frá ferðinni hér til hliðar.

Fuuuuuuuuuccckkkkkkkkkkk

2006-06-02T00:24:00.000+01:00

Mér sýnist ég hafa tapað bloggsíðunni minni!!!!

Roðamaurar og fleira skemmtilegt

2006-05-25T16:00:00.000+01:00

Sælinú. Það er helst að frétta að hér í Raggi&Tóta Group er allt að smella saman. Búin að tæma nokkra skápa og hillur og Raggi fluttur inn með sitt hafurtask. Skólinn er búinn og ég bíð spennt eftir síðustu einkunninni enda væri ágætt að fara að fá námslánin. Byrjaði að vinna daginn eftir ritgerðarskil og komst að því mér til mikillar ,,gleði" að maðurinn sem ég er að leysa af vinnur flestar helgar og kvöld af því að það er vægast sagt BILAÐ að gera í vinnunni. Vegna þessa álags hef ég ekki lyft hendi í þrifum hér á heimilinu í langan tíma og tók því til að þrífa hérna aðeins áðan. Tók ég þá eftir að þrátt fyrir allan snjó úti eru gluggarnir hérna inni á iði af roðamaurum. Af hverju í andskotanum eru þessi kvikindi til? Ég bilast algjörlega. Þvílíkur viðbjóður. Mig langar að leggjast undir sæng og vakna aftur daginn sem skólinn byrjar aftur.
En annað á jákvæðu nótunum. Snilldarsigur Finna á Eurovision:-) Var reyndar frekar fúl að belgíska lagið skyldi ekki komast áfram enda fannst mér það best en Finnarnir voru frábærir. Eurovision 12 points. Grikkir og þeirra hallærislega púúúúú, mínus 130 points. Glötuð þjóð og ætti að skammast sín. Silvía 40 points. Alger leiksigur. Hefði verið fyrir löngu búin að gefast upp á þessu gífurlega strembna hlutverki. Söng þetta svo sem ekkert voðalega vel en mér finnst það nú líka skiljanlegt. Gerði þetta bara príðisvel samt sem áður.
Svo get ég sagt frá því að ég, Raggi, Jón Smári og Steinþór fórum í bíó um daginn á Davinci lykilinn. Var bara búin að heyra slæma dóma en mér fannst hún alger snilld. Mjög skemmtileg og vel leikin. Var svolítið svekkt yfir því að Tom Hanks skyldi leika aðalhlutverkið en hann gerði það bara vel. Langaði strax að sjá hana aftur.
Jæja, ætla að fara að myrða roðamauraógeð. Heyri í ykkur síðar fólkið gott. Læt vita hvernig þetta fer allt saman!! Baráttukveðjur.....og já XD ;-)

Ó skóli, where art though?

2006-05-07T16:23:00.000+01:00

Ég er miður mín að skólinn sé búinn. Tæpir fjórir mánuðir í næstu önn. Ég get ekki beðið :´-(

Júróviðbjóðsjón

2006-05-06T21:13:00.000+01:00

Jæja, þá er ég búin að eyða klukkutíma í að horfa á þau 6 lög sem voru kynnt í Eurovision þættinum í kvöld og ég verð að segja að þvílíkan og annan eins viðbjóð hef ég aldrei séð. Litháenska lagið í byrjun var náttúrulega bara slappt. Portúgalska lagið lélegra. Svo kom sænska lagið og allir yfirspenntir yfir þessari frægu söngkonu. Ég er bara svo steinstandandi hissa að hægt sé að semja svona leiðinlegt lag og yfir því að allir hafi verið að hrósa þessari skelfilegu kvensnift. Meira að segja Eiríkur rokkari sagði að hann elskaði hana. O stig til Eiríks fyrir það. Svo kom Eistland. Almáttugur Jesús!!! Svo kom reyndar Bosnía-Herzegovina og það var skásta lag kvöldsins en samt bara skítsæmilegt. Að lokum var það Sylvía Nótt og ég var ekkert mjög hissa á því áliti sem hún fékk. Mér fannst lagið hundleiðinlegt til að byrja með en það vinnur hins vegar á með hverri hlustun svo að ég held að það nái nú ekki langt þar sem fólk kýs það ekki sem hefur ekki heyrt það mörgum sinnum. En samt besta lag kvöldins by far!!!
Það besta við þáttinn var að þegar Jósteinn talaði um að fólk ætti að fá sér tissepåse yfir portúkalska laginu þá var það þýtt sem þvaglátshlé, sem mér fannst einstaklega góð og skemmtileg þýðing. En miðað við lögin sem sýnd voru í kvöld sýnist mér að keppnin verði bara eitt stórt þvaglátshlé, með smá setu yfir Finnlandi og búið.

Líndal-ritgerð

2006-04-30T17:51:00.000+01:00

Þá er komið að aðalmálinu, skrifa lokaritgerð misserisins í kúrsinum hjá Sigurði Líndal! Hún verður um stofnun Hæstaréttar á Íslandi og ég hlakka bara svolítið til að fara að grúska í gömlum ritum á Amtbókasafninu. Þynnkan er að fara úr mér hægt og bítandi og ég er að verða tilbúin í lokaátökin. Raggi er að fara að flytja inn til mín í Smárahlíðina en annars eru allir að fara að flytja suður yfir sumarið og mér finnst það hálfsorglegt. Er á leið í fjölskyldu-dinner, kveð að sinni.

Þunnhildur Mórales!!!!

2006-04-29T15:22:00.001+01:00

Já, hef ákveðið að hætt að drekka að eilífu enda verð ég ömurleg, vond og leiðinleg þegar ég er full. Tókst meira að segja að gera hann elsku Ragga minn snælduvitlausan út í mig í gær og þarf nú mikið til að gera þennan ljúfa og yndislega mann reiðan. En svona er maður þegar vín er við hönd, maður missir algjörlega alla skynsemi, vit og góðmennsku og hagar sér eins og fífl. Er líka með 7 tonn af móral á herðum mínum núna. Og hvað er það? Þoli ekki móral! Oj hvað ég hata þynnkudaga :-( OJ OJ OJ OJ OJ OJ OJ OJ OJ OJ OJ OJ OJ OJ OJ OJ OJ OJ OJ OJ OJ OJ OJ OJ Farin að taka vídeó til að einbeita mér að! Bæjó

Nöfn á skjaldbökum

2006-04-23T21:10:00.001+01:00

Jæja, þá erum við komin með nöfn á skjaldbökurnar, eða allavega á karlinn. Það var hvorki létt verk né löðurmannlegt. Karlinn heitir sum sé, hér með og eigi síðar MIKE;-) Það er eftir okkar ágæta lagameistara hérna við háskólann ;-) Konurnar eiga annað hvort að heita Hæg og Sein eða Brussa og Hlussa. Svo var komin hugmynd að hafa þær tvínafna þ.e. Sein Brussa og Hæg Hlussa. Held samt að við höldum okkur við Hæga og Seina enda lýsir það þeim ágætlega. Ef einhverjar aðrar hugmyndir eru um þetta eru þær vel þegnar :-) Myndir fara að detta inn ... um leið og ég finn myndavélina mína :-s

Óskað eftir kommentum!!

2006-04-21T22:15:00.000+01:00

Hér með er óskað eftir fleiri kommentum, það gleður svoooo mitt litla hjarta :-)

Skjaldbökur

2006-04-21T22:12:00.000+01:00

Þrjár skjaldbökur prýða stofuna mína um þessar mundir. Raggi kom með þær að sunnan og þær eru alveg sérstaklega fallegar og ljúfar, með skærgulum maga. Keyptum litaða steina á botninn á búrinu og þurrkaðar lifrur sem þær borða með bestu lyst. Tek myndir um leið og ég get og set hérna inn. Until we meet again...

Músafréttir

2006-04-20T20:00:00.000+01:00

Músin er lifandi :-)

Próf

2006-04-18T22:58:00.000+01:00

Fór inn á blogthings.com og fann þar ansi skemmtileg próf sem ég setti hérna inn. Þetta er samt að taka einhvern gífurlega tíma að koma inn á bloggið mitt, en sjáum hvað setur!

What will your famous last words be?

2006-04-18T22:57:00.000+01:00

Your Famous Last Words Will Be:

"Nice doggy."

What Will Your Famous Last Words Be?

What Sign Is Your True Love?

2006-04-18T22:30:00.000+01:00

Raggi er bogamaður by the way :-)

Your True Love Is a Sagittarius

Why you'll love a Sagittarius:

Deep and philosophical, you'll love getting lost in hours of conversation with your Sag.
Your Sagittarius is curious and adventurous enough to keep you interested... not an easy task!

Why a Sagittarius will love you:

You're passionate about a few important issues, a kind of depth that Sagittarius finds very attractive.
You're outgoing, flexible, and up for almost anything. You and your Sag will have tons of adventures together.

What Sign Is Your True Love?

How do people see you?

2006-04-18T22:24:00.000+01:00

Slow and Steady

Your friends see you as painstaking and fussy.

They see you as very cautious, extremely careful, a slow and steady plodder.

It'd really surprise them if you ever did something impulsively or on the spur of the moment.

They expect you to examine everything carefully from every angle and then usually decide against it.

How Do People See You?

What is your French name?

2006-04-18T22:16:00.000+01:00

Your French Name is:

Riva Noel

What's Your French Name?

How Irish are you?

2006-04-18T22:07:00.000+01:00

You're 35% Irish

You're probably less Irish than you think you are...
But you're still more Irish than most.

How Irish Are You?

What kind of kisser are you?

2006-04-18T21:57:00.000+01:00

You're an Passionate Kisser

For you, kissing is about all about following your urges
If someone's hot, you'll go in for the kiss - end of story
You can keep any relationship hot with your steamy kisses
A total spark plug - your kisses are bound to get you in trouble

What Kind of Kisser Are You?

What is your pimp name?

2006-04-18T21:53:00.000+01:00

Your Pimp Name Is...

Pimptress Dynamite

What's Your Pimp Name?

Who´s your daddy?

2006-04-18T21:48:00.000+01:00

Your Daddy Is Darth Vader

What You Call Him: Old Man

Why You Love Him: You don't love him, you just love calling him "daddy"

Who's Your Daddy?

If Your Life Was a Movie, What Genre Would It Be?

2006-04-18T21:35:00.000+01:00

The Movie Of Your Life Is Film Noir

So what if you're a little nihilistic at times?
Life with meaning is highly over-rated.

Your best movie matches: Sin City, L. A. Confidential, Blade Runner

If Your Life Was a Movie, What Genre Would It Be?

Ekki rómantíska týpan!

2006-04-18T21:26:00.000+01:00

THE LOVE PERSONALITY TEST

http://web.tickle.com/tests/lovetype/?sid=2005&supp=search_lovepersonality_2&test=lovetypeogt

Þórunn, your love personality type is ESTJ
Being an ESTJ, you can stand out from the crowd for all kinds of reasons. Among your unique qualities are strong determination and a sharp mind. Together, these traits often mean that an honest day's work isn't likely to strike fear into your heart. On the contrary, you're one who can truly appreciate commitment to a job well done. This steadfast nature usually carries over to your relationships as well; you're rarely one to run off because things have gotten tough. This is an admirable quality. Your philosophy of relationships appears much like your work ethic. You're the kind who believes that what you put into a relationship is typically what you get back. Because of this no-nonsense approach, you aren't the type to overwhelm others with your warm and fuzzy ways. However, when people want to hear truth, they should knock on your door.

Páskar og fleira

2006-04-18T19:22:00.000+01:00

Komiði sæl. Þá eru páskarnir búnir þetta árið og ég sit sveitt á bókasafninu hérna á HA við það að ekkilæra. Fór fyrir tveimur vikum suður reyndar í ferminguna hennar Kristjönu, dóttur Nonna bró. Ég og Gunni bró keyrðum suður á laugardeginum og aftur norður á sunnudeginum eftir veisluna. Ekkert alltof gaman að fara svona fram og til baka án þess að stoppa að ráði. Svo var mér boðið í skírnina hjá litlu dóttur Eddu frænku næstu helgi á eftir en það var of mikið að læra og of margir gestir að koma norður til að ég nennti að keyra aftur í stutt stopp. Svo var heldur ekkert far nema löngu áður og ég hef lært það af reynslunni að ég læri ekki staf þegar ég skrepp suður. En stúlkan var skírð Snæfríður sem mér finnst mjög fallegt nafn enda ekki við öðru að búast af henni Eddu frænku en að hún veldi fallegt nafn. Ekkert Tíbetía Hrís eða önnur eins ósköp. Neibb, bara Snæfríður (Íslandssól) og ekkert annað. En annars er mér búið að leiðast skelfilega þessa páska og mjög líklega búin að drepa eina mús. Ástin mín, hann Raggi, fór nefnilega suður yfir páskana og kemur ekki eftur fyrr en um helgina sem þýðir að ég er ekki búin að sjá hann í 10 daga :-( Ég átti að sjá um að fæða músina hans á meðan en er víst ekki búin að standa mig nógu vel í því og nú er svo komið að ég þori varla að fara þangað, þar sem ég er dauðhrædd um að greyið sé komið yfir móðuna miklu sökum hungurs.
En annars er það að frétta að Selma mín fermist á sunnudaginn, eftir nokkra daga svo að þetta verður vonandi skemmtileg helgi. Kemur líklega slatti af fólki að sunnan sem er alltaf gaman. Svo fyrir þá sem ekki vita erum ég, Dögg og Raggi að flytja á Grænhól næsta haust og ætlum að leigja þar næstu 2 árin. Við Raggi fáum líklega einn Boxer hvolp frá systur Ragga. Það verður því slatti um dýr á Grænhóli. Einn Boxer, ein mús (vonandi, kemur í ljós í kvöld þegar ég fer að gefa henni að éta) og tvær skjaldbökur sem Raggi keypti af bróður sínum. Svo vill Dögg fá eina kú og Raggi vill fá nokkrar ær. Held að það sé reyndar bara til að geta kallað sig bónda. En ég get satt að segja ekki beðið. Raggi er kannski kominn með vinnu hér fyrir norðan í sumar og ætlar að flytja til mín í Smárahlíðina ef svo verður. Já, ég sem ætlaði sum sé aldrei aftur að búa með kærastanum mínum er að fara að fá kærastann inn til mín eftir 7 mánaða samband. Þetta er náttúrulega bara scary :-s En annars er það skárra en að missa hann í 4 mánuði út á sjó. Nógu erfitt að hann fari í 10 daga til Reykjavíkur.
Skólinn gengur annars vel. Fékk 10 um daginn í krossaprófi og 8 fyrir fag sem var 50% fall í svo að ég er mjög ánægð. Er núna í síðasta faginu og á eftir tvær ritgerðir og eitt próf. En mér er alveg sama því að mér finnst þetta sjúklega skemmtilegt. Væri til í að læra lögfræði í allt sumar og taka enga pásu ef ég fengi bara borgað fyrir það.
En nú er það bara lærdómurinn ef ég get slitið mig frá Íslendingabókinni. Var að finna aðgangsorðið mitt og er held ég búin að skoða alla sem ég þekki í 4 klukkutíma. Enginn úr bekknum skyldur mér nær en í 7. lið.
Góðar stundir börnin mín blíð og smá.

Brandari ársins :-)

2006-03-10T23:04:00.000Z

Kona nokkur var að versla í Bónus-verslun í hverfinu.
Hún var búin að setja 3 lítra af létt mjólk í körfuna ásamt 1 eggjabakka með 10 eggjum, 1/2 lítra af appelsínusafa, 1 höfuð kínakál, kaffipakka og bréfi af beikoni.
Ölvaður maður fyrir aftan hana í röðinni fylgdist með þegar hún raðaði þessum hlutum á færibandið við kassann.
Þegar kassadaman tók til að lesa strikamerkin inn sagði drukkni maðurinn hæglátlega: "Þú ert örugglega einhleyp"!
Konunni gramdist þessi ummæli drukkna mannsins en jafnframt fannst henni athugasemdin skondin þar sem það var vissulega rétt, hún var einhleyp.
Hún virti fyrir sér þessa sex hluti á bandinu og furðaði sig á hvernig í ósköpunum hann gæti komið með svona fullyrðingu af þessum ósköp venjulegu innkaupum.
Forvitnin varð henni um megn svo hún sagði: "Þetta er vissulega hárrétt hjá þér. Hvernig í ósköpunum geturðu séð það??"
. . .og drukkni maðurinn svaraði:"

Af því að þú ert ljót!"

Nafnakall

2006-03-10T22:59:00.000Z

Get bara ekki hætt þessu, þetta er of sniðugt!!! :-)

Tóta

[noun]:

A human transformer (Robot in disguise)

'How will you be defined in the dictionary?' at QuizGalaxy.com

2006-03-10T19:29:00.000Z

Bekkjarmynd

2006-03-10T19:22:00.000Z

Arshatid

2006-03-10T19:03:00.000Z

Eg og Raggi

2006-03-10T19:02:00.001Z

Raggi minn

2006-03-10T19:02:00.000Z

Eg og Dogg

2006-03-10T19:01:00.001Z

Dogg

2006-03-10T19:01:00.000Z

Hrafnhildur og Dadi

2006-03-10T19:00:00.000Z

Ég og Raggi

Árshátíð

2006-03-10T18:35:00.000Z

Sælt veri fólkið. Langt er síðan ég hef sagt eitthvað af viti á þessari síðu og ég ætla að halda í þann góða vana í dag. Ég var á árshátíð Háskólans á Akureyri um síðustu helgi og set hér til hliðar myndir frá þeirri samkomu. Sú tindilfætta var edrú enda byrjuð á hinum lofaða danska kúr sem leyfir ekkert slíkt sull. 2 kíló farin á fyrstu vikunni og more to go. En allavega hér fyrir ofan er mynd frá árshátíðinni með þeim bekkjarsystkynum mínum sem þar voru stödd. Njótið.

Orðaþýðing

2006-03-10T18:32:00.000Z

Þórunn

[adjective]:

Pretentiously academian

'How will you be defined in the dictionary?' at QuizGalaxy.com

Tóta

[noun]:

A person of questionable sanity who starts their own cult

'How will you be defined in the dictionary?' at QuizGalaxy.com

Valentínus ó Valentínus

2006-02-14T01:48:00.000Z

Þá er runninn upp hinn merki dagur elskenda. Mér finnst svo sem ekkert varið í þennan dag en það er svo sem alltaf gaman að hafa tilefni til að gera eitthvað skemmtilegt með kærastanum svona fyrst maður á eitt stykki. Annars finnst mér eitthvað leim við það að þurfa að hafa eitthvað tilefni til að gera eitthvað skemmtilegt saman. Mér finnst bara ALLTAF tilefni til að gera eitthvað skemmtilegt. Annars er vitleysa að vera að eignast kærasta, maður á bara alltaf að vera að deita. Um leið og maður fær stimpilinn kærasti og kærasta þá breytist eitthvað. Báðir aðilar hætta að reyna hvort við annað og það er ekkert fjör. Fólk hættir að vera á nálum og sýna sínar bestu hliðar og fer að koma fram við hinn aðilann eins og sjálfsagðan hlut. En annars á ég voða sætan kærasta sko svo ég veit ekki hvað ég er að röfla!! ;-). En hvað með daga eins og Valentínusardag? Þarf að vera Valentínusardagur til að fólk ákveði að koma hvort öðru á óvart? Ef það væri enginn svona dagur myndu karlmenn bjóða kærustunum sínum út að borða án nokkurs tilefnis? Myndu þeir koma þeim á óvart með sætri gjöf án þess að nokkuð stæði til? Koma karlmenn konum á óvart á sætan hátt án þess að nokkuð standi til, til dæmis bjóðast til að nudda á þeim bakið, elda góðan kvöldmat og svona? Ég bara spyr!!! Það væri svo miklu yndislegra ef þeir gerðu það einhvern annan dag en Valentínusardag. Ef þeir fyndu löngun hjá sér án nokkurs tilefnis og án nokkurs Valentínusardags til að gera eitthvað fallegt fyrir mann. Það yrði himnasæla. Að gera eitthvað fyrir mann á Valentínusardag er svo sem allt í lagi en það má ekki bara vera þá. Annars væri það bara á afmælisdeginum, konudegi og Valentínusardegi sem kærastinn gerði eitthvað sætt fyrir mann, og þeir gleyma örugglega tveimur af þremur þessara daga svo það þýðir að það er stjanað við mann einu sinni á ári!!! Ok hætt í bili, karlmenn eru ágætir til síns brúks svo sem. Er bara pirruð af því að ég og Raggi erum bæði í heimaprófi allan Valentínusardaginn og þar með gerum við deffenettlí ekki neitt nema að læra:-( En ég trúi honum alveg til að gera eitthvað sætt einhvern annan dag í staðinn :-)

Við kærustuparið :)

2006-02-02T15:59:00.000Z

Raggi og Tóta

Einkunnir

2006-02-02T15:51:00.000Z

Jæja, á maður ekki að segja frá einkunnum fyrri annar. Gekk nú bara nokkuð vel enda finnst mér lögfræðin hið skemmtilegasta fag. En allavega fékk ég:

8.5
8.5
8.5
8.0
7.0

Og hana nú :)

P.s. búið er að opna símann minn vúhú :)

Afsakið hlé!!

2006-01-23T22:27:00.000Z

Sælinú öll sömul og afsakið langt hlé á bloggi. Ætla nú bara að stikla á stóru. Var í endemis löngu jólafríi sem fór aðallega í það að vera fyrir sunnan og heimsækja ættingja. Raggi kom annan í jólum og var til gamlársdags hér hjá mér fyrir norðan. Við keyrðum svo saman suður á gamlársdag og eyddum gamlárskvöldi saman fyrir sunnan. Ég var svo hjá honum til 7. jan og þá fórum við norður þar sem skólinn byrjaði aftur 9. janúar. Ég fagnaði svo 28 ára afmæli mínu þann 10 janúar en daginn eftir gerðist sá sorgaratburður að elskulegur faðir minn lést. Jarðarförin var núna síðastliðinn föstudag og kom margmenni að sunnan og var dagurinn góður í alla staði, fallegt veður og falleg kveðja fyrir elsku pabba minn.
Nú er allt komið á fullt í skólanum, próf og ritgerðir að hrannast upp og mikið að gera. Ég ákvað líka að taka námskeið í kínversku fyrir byrjendur og fyrsti tíminn í því var í dag. Þetta er stórskemmtilegt og ég hlakka til að geta farið að tjá mig svolítið á þessu skondna máli. Ég set myndir svo inn þegar um hægist hjá mér. Lifið heil

Permanent og ekkert kjaftæði

2005-12-20T22:03:00.000Z

Nú er ég komin með jólagreiðsluna. Varð bara að prófa smá perm einu sinni og ég fíla mig alveg með þetta look :-) Perm is the next pink, right?

Allt í drasli

2005-12-20T16:55:00.000Z

Nú eru örfáir dagar í jól og ég fékk þá flugu í höfuðið að breyta hjá mér. Nú er svo komið hjá mér að íbúðin er á hvolfi og ég að drepast í bakinu:-( En mér mun takast að gera flott hjá mér fyrir jól, vitiði til, þó það verði bara á þrjóskunni einni saman. Búin að kaupa og pakka inn öllum jólagjöfum og baka smákökur í tonnavís svo að þetta er það eina sem eftir er. Set svo myndir hér inn síðar þar sem allt er orðið spick and span. En ætla bara rétt aðeins að halla mér fyrst :-s

Allt í drasli

2005-12-20T16:54:00.000Z

Allt í drasli

Gunni fertugur

2005-12-19T03:30:00.000Z

Jæja, þá er ég komin norður aftur eftir 10 daga í Reykjavík. Pabbi er kominn upp á sjúkrahús og við vonum öll að hann verði búinn að jafna sig fyrir jól! Gunni bróðir varð fertugur á laugardaginn og bauð allri fjölskyldunni í jólahlaðborð í Lindinni. Eftir það fórum við út í Grænhól öll systkinin og mágfólk og fórum að djúsa og tjatta. Svo fór ég með Nonna bró, Möggu Syss, Vigni bró, Guðmundi bró og Sóleyju mágkonu á Vélsmiðjuna og dansaði og dansaði fram eftir nóttu. Langaði reyndar ógurlega á Amour og sendi öllum í símaskránni minni sms en það var ENGINN sem nennti með mér að djamma:-( En það var reyndar fínt af því að það var ógeðslega gaman að dansa bara og djamma með systkinum mínum. Kemur ekki oft fyrir. Langaði reyndar mest suður þar sem lögfræðibekkjarsystkini mín voru í svaka partýi þar. Heyrði aðeins í þeim og hefði tekið næturflug suður ef það hefði verið í boði. En vaknaði eldhress í morgun og fór í afmæli til Birnu vinkonu og fór svo út á Grænhól og bakaði 300 Sörur. Var að þessu í hvorki meira né minna en 6 tíma. Hef ekkert meira að segja í bili, meira síðar. Myndir koma inn þegar ég nenni, slatti farinn að safnast upp og ég nenni aldrei að setja þetta inn, en jæja, þetta kemur. Góða nótt.

Kennarapartý

2005-12-19T03:26:00.000Z

Fór í kennarapartý hjá Birnu vinkonu fyrir nokkrum víkum síðan. Ég fékk að fara með þar sem ég er enn að kenna...öðrum um :-s Hér er ein mynd áður en ég varð pissefuld!

2005-12-19T03:19:00.000Z

SO TRUE!!!

Reykjavík, ó Reykjavík

2005-12-10T16:22:00.000Z

Þá er ég búin að vera viku í Reykjavík og hef það fínt. Kom á föstudagskvöld eftir að hafa keyrt suður, alein. Söng alla leiðina bókstaflega til að halda mér vakandi en færðin var fín, svolítið hált á köflum. Þegar ég kom suður fór ég beint til Nonna bró og Ernu og skipti þar um föt og fór því næst í jólahlaðborð í Perlunni þar sem mamma hans Ragga hélt upp á sextugs afmæli sitt. Var þar kynnt fyrir allri fjölskyldunni og var náttúrulega eins og asni sem ætti að teljast skiljanlegt. Skemmti mér samt konunglega þrátt fyrir mikið magn af feimni. Ég og Raggi fórum svo til bróður hans og mágkonu og sátum að sumbli fram eftir nóttu. Ég gisti svo í Hafnarfjörður city í einbreiðu rúmi með Ragga og áttaði mig þá fyrst á því hvað ég á hrikalega gott rúm. Skiptumst á að hrinda hvort öðru út á gólf en hey, það er nú bara gaman að því.
Næsta kvöld var partý hjá Víkingi frænda og Hönnu frænku. Frábærlega skemmtilegt partý og svo var auðvitað Kaffibarinn á eftir. Gisti aftur í einbreiða rúminu og bakið ekki að hrópa húrra yfir því. Kvöldið eftir fórum við Raggi í bíó og sáum The Exorcism of Emily Rose. Hmmm, ég og sannsögulegar hryllingsmyndir eigum ekkert voða vel saman. Hélt fyrir eyrum nánast alla myndina og horfði á hana með öðru auganu í gegnum tvo fingur. Framvegis ætla ég að vona að ég verði sofandi klukkan 3 að nóttu til!!! En aftur var það einbreiða rúmið. Morguninn eftir ákvað ég að þyggja boð Ellu vinkonu um að gista hjá henni í sérherbergi í góðu 120 cm breiðu lúxusrúmi. Vikan fór svo í ritgerðarsmíð sem ég loksins er búin með. Í gær fór ég svo með Gullu, Hönnu, Díönu og Tinnu að borða á Óliver. Mjög góður matur! Raggi átti afmæli á fimmtudag, 25 ára takk fyrir;o) og ég gaf honum Area 51 tölvuleikinn. Langaði reyndar meira að gefa honum Agöthu Christy tölvuleikinn en þá hefði ég líklegast freistast of mikið til að spila hann sjálf og gleyma svolítið náminu. Nú svo er það bara búðarráp á morgun og versla allar jólagjafirnar, vííí. Ef einhverjir eiga í basli með að velja á mig er hér smá listi:
- pönnukökupanna
- kaffivél
- white musk, ilmolía úr body shop
- Harry Potter og blendingsprinsinn
- Anthony and the Johnnsons - CD
- Spariskór, stærð 39
- Hárdót
- g-strengir ;o)
- Aveda hársnyrtivörur
- skúringarfata :-p
- eyrnalokkar
- belti
- Stóra söngbókin með gítargripum
- kúrekahattur, eða e-r flottur hattur

Þetta er svona það sem mér dettur í hug til að byrja með. Vonandi eru þarna hugmyndir fyrir einhverja. En well, þá er bara að fara að sturta í sig enda djamm í kvöld. Fleiri fréttir síðar elskurnar mínar þegar ég er í stuði. Myndir vonandi fljótlega líka. Ciao

Smá spjall

2005-11-27T19:36:00.000Z

Vó, það er svo langt síðan ég skrifaði hérna inn að ég mundi ekki leyniorðið að blogginu mínu. Eða kannski týndi ég bara flestöllum heilasellunum mínum á föstudagskvöldið. Ég allavega mundi ekki heldur leyniorðið að heimabankanum mínum sem olli því að honum var lokað eftir að ég hafði reynt of oft rangt leyniorð. Ég er því peningalaus, allslaus og í meira lagi vitlaus á þessu sunnudagaskvöldi. Ritgerðarskil á morgun og ég get ekki sagt að ég sé byrjuð. Fór á Díónýsos með fyrrverandi samkennurum á föstudagskvöldið og ætlaði bara að fá mér smá rauðvín sem var í boði og fara svo heim að læra. Birna gaf mér samt einn bjór og svo var í boði smá rauðvín. Ég fékk tvisvar botnfylli af rauðvínssmakki (þetta er sko kynning) og svo í lokin fullt glas. Og viti menn, af þessu lítilræði fór Tóta litla tindilfætta á sneplana. Ég skal aldrei láta rauðvín inn fyrir mínar varir ever again. Þetta er eitur, ó já, djöfullegt eitur. Svo fær þetta mann til að haga sér eins og asna. Ældi þessu nú sem betur fer mestu því að ég fann að maginn á mér var engan veginn að gúddera þetta léttvínssull. Svo fór ég í bæinn, gerði mig að fífli eins og ég er vön, reifst og skammaðist, lenti í slagsmálum og hunskaðist svo heim með skottið á milli lappanna. Eða það held ég allavega, minnið ekkert til að hrópa húrra yfir. Er allavega með massa marblett á lærinu og handlama. Greyið Raggi er hetja fyrir að þola svona vitleysing eins og mig. En nú er ég hætt að drekka, alveg þar til um næstu helgi, ég sver sko!!! Jæja, ætla að halda áfram að velta mér upp úr móral og volæði og kannski að skrifa þessa blessuðu ritgerð. Djöfull er þetta gott á mig!!

Galakvöld og fleira

2005-11-20T00:11:00.000Z

Hey alle hopa. Þar sem ég hef ekki skrifað hér inn langa lengi hef ég ýmsilegt að segja, en ég bara nenni því ómögulega. En svona það helsta þá var Pétur mágur 65 ára í gær og var haldin veisla. Raggi kom með og því formlega búið að kynna hann fyrir ma og pa. Illu er best af lokið. Sölvi bróðir er fluttur í nýju íbúðina og er himinlifandi, enda er hún mjög flott. Síðustu vikur var mér boðið á fyllerí af Héraðsdómi Norðurlands og Sýslumanninum, enda er keppst um að fylla okkur lögfræðinemana með hinum svokölluðu vísindaferðum. Svo var Galakvöld á Hótel KEA í gær fyrir félagsvísinda- og lögræðinema. Það var mjög gaman og góður matur og svo var djammað á Amour fram undir morgun. Asninn ég gleymdi myndavélinni en kannski verð ég svo heppin að finna einhverjar myndir og set þá inn. Æi, nenni ekki að skrifa meir. Hmm já, kem lílegast suður 2. des og heyri í ykkur Reykjavíkurbúum þá:) Próf á þriðjudaginnn og ég er því farin. Veriði sæl

Nýjar myndir

2005-11-02T12:48:00.000Z

Ég er búin að setja nokkrar nýjar myndir hérna inn til hliðar en þær eru samt ekki allra komnar. Þetta eru myndir úr einhverjum partýum og matarboðum hérna í Smárahlíðinni og svo eru komnar nokkrar myndir úr fimmtugsafmælinu hans Sölva bró. Bráðum nenni ég kannski að setja inn myndirnar úr skírninni hans Þorkels Mána hennar Siggu syss.
Annars er allt gott að frétta af mér. Fullt að gerast í skólanum þó ég hafi sofið yfir mig reyndar í dag. Sölvi er búinn að fá lyklana að íbúðinni sinni nýju og kominn með ýmislegt af sínu dóti þangað inn. Nonni, Erna og fjölskylda eru að koma norður um helgina. Ég ætla kannski að lána þeim íbúðina mína ef ég næ að klára hópverkefnið sem ég er að vinna í um þessar mundir. Svo nálgast jólin vííííí :-)

Babe? Skvísa? Kjelling?

2005-10-26T20:26:00.000+01:00

Brjálað að gera í skólanum þessa dagana, próf í nýju fagi á föstudag og ekkert gengur að lesa. Er að lesa bók eftir Sigurð Líndal sem heitir Um lög og lögfræði og er hún bara mjög áhugaverð og skemmtileg en ég er voða lengi að lesa hana. Er með frábæran kennara í þessu fagi og líst vel á byrjunina.
Spurning dagsins: hvað finnst ykkur um þegar konur eru kallaðar babe? Hi babe? Thanks babe? See you later babe! Bara að spekúlera! Er kjelling betra? Verra? Sæl kjelling! Eða baby? Hit me when I come, baby!! Hvað með skvísa? Halló skvísa! Takk skvísa! Hvaða orð finnst ykkur verst að notuð séu um ykkur? Skiptir máli hvort það eru konur eða karlar sem nota þau um ykkur? Gefa þau til kynna litla virðingu gagnvart manneskjunni eða eru þau bara krúttaraleg? Hvað varð um "Þökk sé þér, þú fagra sprund"?;-) Komiði nú með skoðun ykkar á þessu dúfurnar mínar!

Bloggleysi

2005-10-23T19:41:00.000+01:00

Já, ég er búin að vera voðalega ódugleg að skrifa hingað inn. Var að klára kúrs í skólanum og það var svo brjálað að gera að ég var að nótt og dag. Ég hefði reyndar alveg getað tekið þetta rólega ef ég hefði byrjað fyrr en sem endranær hóf ég verkið á síðustu stundu og lá yfir því og kaffibolla allar nætur eins og hálfviti. Þannig að ég hef ekki haft neinn tíma til að skrifa hér inn. Svo er líka alveg merkilegt hvað kossaflens getur tekið mikinn tíma af deginum ;o)

Dugnaður og ekkert annað!

2005-10-13T00:25:00.000+01:00

Af hverju eru ruslalúgur í blokkum alltaf svona litlar? Er að verða vitlaus á þessu. Maður rétt má setja rusl upp í 1/3 af venjulegum haldapoka ef maður ætlar ekki að vera 20 mínútur að troða þessu inn í ruslagatið. Hvað er málið? Þurfti að fara í dag og re-organiza ruslapokanum og færa á milli í annan poka til að geta hent þessu. Ég veit ekki hvað hönnuðirnir voru að pæla sem skipulöggðu þetta. Er orðin voðalega arrý yfir þessu og farin að kvíða því á hverjum degi að henda ruslinu. Nei, ok...kannski svolítið ýkt.
En allavega.....kom heim í dag eftir skóla eitthvað hálf slöpp og lagðist beint upp í rúm. Svaf eitthvað lítið í nótt fyrir hósta og kvefi og er með vöðvabólgu í þokkabót sem gerist nú ekki oft. Ég ákvað því að leggja mig í klukkutíma en eins og ég hefði nú getað sagt mér sjálf endaði það í fjögurra tíma lúr. En mín tók á sig rögg og haskaði sér í hópverkefni eftir allan svefninn og það gengur svona prýðilega. Er búin að skipuleggja þetta alveg (vona bara að hinir í hópnum verði sammála mér í því :s) og lesa HELLING. Vildi að ég gæti fengið svona dugnaðarkast oftar í viku!!

Bestu hlutir í heiminum:

2005-10-11T04:10:00.000+01:00

Eruði ekki sammála þessum hlutum? Þetta er bara lovely :O)

- heitt nýbakað rúgbrauð með smjöri og osti.
- að leggjast nýkomin úr sturtu í tandurhrein rúmföt.
- lykt af þvotti sem er nýkominn inn af snúrunum
- þegar rafmagnið fer af
- lykt af hvolpum
- að vera vakin með kossaflensi
- kaldhæðnishúmor
- að teygja úr sér á morgnana
- nudd
- að skilja flókið stærðfræðidæmi
- að fara á stökk á hestbaki
- að kreista bólur
- lykt af úldnum eplum (I kid you not, hún er æði)
- að liggja inni undir teppi með kakó þegar er brjálað veður úti
- að vakna og fara á fætur og fatta þá að það er frídagur og skríða aftur uppí
- dýralífsþættir
- að vera ekki andvaka eins og ég er focking núna:o( .......

Bachelor og pub quiz

2005-10-07T01:25:00.000+01:00

Ég þarf að fara að venja mig á að nota ekki mikið talmál í blogginu mínu. Það ku víst hafa áhrif á ritgerðarsmíð mín sem telst eigi gott. Þetta verður því formlegt. Á morgun verður sprellmót Háskólans. Félagsvísinda- og lagadeildarnemar verða smokkar og var ég rétt í þessu að fjárfesta í einum búningi hjá honum Jóni Smára. Við byrjum á hádegi á morgun og verðum að fram eftir nóttu. Aðrar fréttir eru þær að Sigga syss var að kaupa sér nýjan sófa og ég fékk rauða geggjaða hornsófann! Nú getur fólk fengið að gista í stofunni hjá mér. Gaf Dögg minn brúna, tveggja sæta sófa. Nú svo fórum við í kvöld á Amour og horfðum á bachelorinn. Ég þurfti reyndar að líta undan helminginn af þættinum því þetta var bara alltof væmið fyrir mig. Held ekki að ég geti horft á annan þátt. En fyndið samt. Svo kom það besta....PUB QUIZ er byrjað aftur á Græna hattinum, jeiiiiii :D Þetta er bara það skemmtilegasta sem ég geri. Ég var með Dögg í liði, og Daði og Ólöf voru í liði. Ég og Dögg náðum 17 og 1/2 stigi, Daði og Ólöf 15 MUAHAHAHAHAHAHAHHAHAHA!!!! Þeir sem unnu bjórkassann voru með 21 stig, minnir mig, eða 23. Er samt ánægð með árangurinn.
Æ shit, gleymdi að þetta átti að vera formlegt, man!

Letibykkja Víkingsdóttir

2005-10-03T23:10:00.000+01:00

Ojojojojojojojojojojojojoj hvað ég er löt, úff. Búin að sitja með bók í hönd í 4 klukkutíma og kannski búin með 5 bls. og ekki búin að ná innihaldinu. Svona er allur dagurinn búinn að vera:
,,The comparative lawyer is concerned with the influences which shape the law, rather than the materials which the lawyer consults in order..." hmmm þyrfti nú að þurrka af borðinu, voða er það skítugt.
10 min seinna: já ok hvar var ég ,,The comparative lawyer is concerned with the influences which shape the law, rather than the materials which the lawyer consults in order to discover the specific rules of law. In terms of materials..." æ, gleymdi að taka úr vélinni.
20 min seinna: Bíddu hvað var ég aftur að lesa döhhhh. ,,The comparative lawyer is concerned with the influences which shape the law, rather than the materials which the lawyer consults in order to discover the specific rules of law. In terms of materials, a lawyer in most..." hmm er ekki kominn matartími?
Klukkutíma seinna: .......

Josh Holloway

2005-10-01T14:52:00.000+01:00

Ég bara varð að setja nokkrar myndir hérna inn af þessum gullfallega manni, þetta er sá sem leikur Sawyer í Lost þáttunum. Njótið börnin mín!!

2005-10-01T14:47:00.000+01:00

Josh Holloway

2005-10-01T14:46:00.001+01:00

Josh Holloway

2005-10-01T14:46:00.000+01:00

Josh Holloway

2005-10-01T14:45:00.000+01:00

Josh Holloway

2005-10-01T14:44:00.000+01:00

Josh Holloway